Skip to content
.:
Komuna e Gostivarit
Të hënën do të bëhet dezinsektimi i dytë hapësinor për sivjet në territorin e komunës së Gostivarit

Gostivar, me 2 gusht – 2016

Informohen qytetarët e komunës së Gostivarit, me theks të veçantë mbarështuesit e bletëve, se të hënën (5 shtator - 2016) do të bëhet dezinsektimi i dytë për sivjet në territorin e komunës së Gostivarit për zhdukjen e mushkonjave të rritura dhe dëmtuesve të tjerë.
Dezinsektimi do të kryhet në mbrëmje prej ora 21:00 deri në ora 01:00 dhe në orët e hershme të mëngjesit prej ora 03:00 deri në ora 06:00, vetëm në kushte të mira atmosferike, dhe në rast të kohës me shi ose me erë të fortë dezinsektimi do të anulohet për ditën e ardhshme ose për ndonjë ditë tjetër me kushte më të mira atmosferike.

Në bazë të planit paraprakisht të përgatitur për dinamikën e aktiviteteve, dezinsektimi do të realizohet në këto lokacione:

Lexo më shumë...
 
Kryetari z. Nevzat Bejta vizitoi Turçanin e madh, brenda muajit do të bëhet vazhdimi i rrjetit të ujësjellësit

Gostivar, me 2 Shtator – 2016Kryetari z. Nevzat Bejta vizitoi Turçanin e madh brenda muajit do të bëhet vazhdimi i rrjetit të ujësjellësit  4

Kryetari i Komunës së Gostivarit, z. Nevzat Bejta i shoqëruar nga shefi i kabinetit, z. Bashkim Hasani dhe drejtori i NP “Komunalec”, z. Memedali Xhaferi mbëmë qëndruan për vizitë në fshatin Turçan të madh.

Vizita u realizua me kërkesë të banorëve të cilët gjatë takimit ngritën disa çështje të cilat kërkojnë zgjidhje. Problem me të cilin ballafaqohen banorët e këtij lokaliteti është mungesa e shtypjes së ujit në sistemin e ujësjellësit.

Delegacion i Komunës së Gostivarit dhe NP “Komunalec”, ku i pranishëm ishte edhe një ekspert i fushës përkatëse, shqyrtuan kërkesën e banorëve dhe ranë në konkluzion që për mënjanimin e kësaj problematike duhet të realizohen disa projekte.

U ra dakord që brenda muajt shtator të realizohet vendosja e gypit të ujësjellësit që do të lidh sistemin qendror me sistemin e ujit që akumulohet nga burimet e territorit. Bëhet fjalë për ndërtimin e rrjetit të ujësjellësit në gjatësi rreth 250 metra dhe punimet do t’i kryejë NP “Komunalec”.

Lexo më shumë...
 
Aksion gjithëpërfshirës për kositjen e barit dhe pastrimin e hapësirave të gjelbra brenda qytetit

Gostivar, me 2 shtator – 2016Aksion gjithëpërfshirës për kositjen e barit dhe pastrimin e hapësirave të gjelbra brenda qytetit  3

Komuna e Gostivarit në bashkëpunim me NP “Parkingje dhe Gjelbërim” dhe Ndërmarrjen Private “Rossen Center”, këto ditë vijon me aksionin për rregullimin dhe kositjen e barit në hapësirat e gjelbra brenda qytetit të Gostivarit.

Aksioni i radhës u realizua tek blloku i banesave kolektive përreth lumit “Vardar”, dhe u ndoq prej afër nga kryetari i Komunës së Gostivarit, z. Nevzat Bejta.

Falënderoi NP “Parkingje dhe Gjelbërim” dhe Ndërmarrjen Private “Rossen Center”, për realizim e aksionit, shtoi kryetari Nevzat Bejta, i cili me këtë rast shprehu mirënjohje për kompaninë private që vullnetarisht dhe papagesë u kyç në aksionin gjithëpërfshirës për kositjen e barit dhe pastrimin e hapësirave të gjelbra brenda qytetit.

Lexo më shumë...
 
Kryetari i Komunës së Gostivarit, z. Nevzat Bejta takoi banorët e lagjes “Hekurudha”

Gostivar, me 2 Shtator – 2016Kryetari i Komunës së Gostivarit z. Nevzat Bejta takoi banorët e lagjes Hekurudha  2

Me kërkesë të banorëve të lagjes “Heukurudha”, kryetari i Komunës së Gostivarit, z. Nevzat Bejta i shoqëruar nga shefi i kabinetit, z. Bashkim Hasani dhe drejtori i NP “Komunalec”, z. Memedali Xhaferi qëndruan për vizitë në këtë lagje të qytetit.

Banorët lokal ngritën shqetësimin e tyre rreth dëmtimit të rrjetit të kanalizimit në njërën nga rrugicat e lagjes, si pasojë e lëvizjes së automjeteve të rënda.

Kërkesa e tyre hasi në mirëkuptim nga drejtuesit e institucioneve, ndërsa kryetari Nevzat Bejta premtoi tejkalim të problemit në afatin sa më të shkurtër kohor.

Kompania realizuese e punimeve, Ndërmarrja Publike “Komunalec”, si dhe inxhinierët e Komunës së Gostivarit, tha kryetari Bejta, do të dalin në terren dhe do të shqyrtojnë problemin e paraqitur në bllokimin e gypit dhe plasaritjen e disa puseve.

Lexo më shumë...
 
Kryetari i Komunës së Gostivarit, z. Nevzat Bejta uroi nxënësit me rastin e Vitit të Ri shkollor

Gostivar, 1 Shtator – 2016Kryetari i Komunës së Gostivarit z. Nevzat Bejta uroi nxënësit me rastin e Vitit të Ri shkollor 8

Me rastin e Vitit të Ri shkollor 2016 – 2017, kryetari i Komunës së Gostivarit, z. Nevzat Bejta i shoqëruar nga drejtuesit e Departamentit për Arsim, Kulturë dhe Sport, qëndruan për vizitë në shkollën fillore “Faik Konica”, në fshatin Debresh.

Me këtë rast, kryetari Nevzat Bejta vizitoi paralelet e klasave të para, nxënësit e të cilave sot për herë të parë u ulën në bankat shkollore. Nga ky ambient i mrekullueshëm, kryetari Nevzat Bejta përçoi urimin për të gjithë nxënësit, mësimdhënësit dhe prindërit për fillim të mbarë të Vitit të Ri shkollor.

Edukimi dhe arsimimi i brezave të rinj në kushte cilësore, tha kryetari Nevzat Bejta, është obligim i shoqërisë dhe për këtë nevojitet përkushtim maksimal nga institucionet, drejtuesit e shkollës, kuadri arsimor dhe prindërit.

Lexo më shumë...
 
Komuna e Gostivarit ka ndërmarrë gjitha masat për sanimin e defektit në sistemin e ujësjellësit në fshatin Forinë

Gostivar, me 1 Shtator – 2016Komuna e Gostivarit ka ndërmarrë gjitha masat për sanimin e defektit në sistemin e ujësjellësit në fshatin Forine

Komuna e Gostivarit sqaron opinionin publik rreth kumtesës së partisë “Besa”, dega në Gostivar rreth çështjes së furnizimit me uji të pijshëm në fshatin Forinë.

Për hir të së vërtetës dhe informimit të saktë të opinionit publik, Komuna e Gostivarit deklaron që problemi i shfaqur në sistemin e ujësjellësit të fshatit Forinë është i natyrës teknike dhe se janë ndërmarrë të gjitha masat e nevojshme për sanimin e defektit.

Sistemi i ujësjellësit në fshatin Fornë funksion përmes pompës elektrike. Aktualisht pompa është jashtë funksionit dhe Komuna e Gostivarit në bashkëpunim me Ndërmarrjen Publike “Komunalec”, ka nisur procedurën për furnizim të pajisjes së re.

Pasi pajisja është specifike dhe me kosto të lartë financiare, Komuna e Gostivarit është e obliguar që të respekton ligjin për furnizime publike dhe me procedurë ligjore të arrijë të furnizohen me pajisjen e nevojshme.

Lexo më shumë...
 
Kryetari Nevzat Bejta takoi kandidatin për deputet në Parlamentin e Kroacisë, Idris Sulejmani

Gostivar, me 25 Gusht – 2016Kryetari Nevzat Bejta takoi kandidatin për deputet në Parlamentin e Kroacisë Idris Sulejmani 2

Kryetari i Komunës së Gostivarit, z. Nevzat Bejta takoi sot në kabinetin e tij kandidatin për deputet në Parlamentin e Republikës së Kroacisë, Idris Sulejmani, i cili është me prejardhje nga Maqedonia.

Gjatë takimit, kryetari Bejta e përgëzoi Sulejmanin për vendosmërinë e tij për të konkurruar në garën për deputet në Parlamentin e Kroacisë, duke shtuar që : “Përfaqësimi i komunitetit shqiptar me një deputet në Parlamentin kroat do të ishte arritje pozitive dhe tejet e rëndësishme në drejtim të realizimit të të drejtave shoqërore dhe kolektive të komunitetit shqiptar qoftë nga Maqedonia, Kosova, Shqipëria apo vendbanimet e tjera etnike”.

Me këtë rast, kryetari Bejta sugjeroi që duhet të mobilizohet mërgata shqiptare, dhe të bëhet i mundur unifikimi i votës shqiptare me qëllim që të mos cenohet fitorja e kandidatit shqiptar.

Lexo më shumë...
 
<< Fillim < Mëparshme 1 2 3 4 5 6 7 8 9 10 Vijuesi > Fundi >>

JPAGE_CURRENT_OF_TOTAL

e-Leje Ndërtimi

elejesq

e-Tatime

e-tatime-online

Maps

maps-small

Aktuale

h-n-b-7

multiculturalism

furnizime-publike

 npkomunaleclink-t

UNDP Konkurs

UNDP Vacancy
 
undp-vacancy

Për qytetarët me pengesa

Bejtyl Lushi, Visar Rustemi, Bekim Neziri
042 218 167
Persona për komunikim me qytetarët te cilët kanë ndonjë shkallë pengese me qëllim të ofrimit të ndihmës

Elaborat ekologjik

Studimi për vlerësimin e ndikimit ndaj mjedisin jetësor të projektit për sistemin e gazsjellësit Nacional në Maqedoni, krahu Shkup-Gostivar-Kërçovë
 

Statistika

Members : 3
Përmbajtje : 1000
Content View Hits : 1920226