Skip to content
.:
Komuna e Gostivarit
Thellohet bashkëpunimi mes Komunës së Gostivarit dhe Bajram Pashës

Stamboll, me 30 Maj – 2017Thellohet bashkëpunimi mes Komunës së Gostivarit dhe Bajram Pashës  7

Gjatë vizitës zyrtare në Republikën e Turqisë, kryetari i Komunës së Gostivarit, z. Nevzat Bejta realizoi takim me kryetarin e Komunës Bajram Pasha të Stambollit, z. Atila Aydiner.

Gjatë takimit u diskutuan raportet dhe bashkëpunimi mes dy Komunave e që datojnë nga viti 2005 nga mandati i parë i kryetarit Bejta.

Në këtë drejtim u përmend bashkëpunimi për rindërtimin e Shkollës fillore periferike “Mustafa Kemal Ataturk”, në fshatin Banjicë, ndërkohë që u shikuan mundësitë për bashkëpunim edhe në të ardhmen.

Lexo më shumë...
 
Kryetari i Komunës së Gostivarit, z. Nevzat Bejta po qëndron për vizitë zyrtare në Republikën e Turqisë

Stamboll, me 29 Maj – 2017Kryetari i Komunës së Gostivarit z. Nevzat Bejta po qëndron për vizitë zyrtare në Republikën e Turqisë  6

Kryetari i Komunës së Gostivarit, z. Nevzat Bejta gjatë vizitës zyrtare në Republikën e Turqisë të hënën realizoi takim me kryetarin e Komunës Eyüp (Ejup), të Stambollit, Remzi Aydin (Ajdin).

Gjatë takimit miqësor, mes tjerash u bisedua për zyrtarizimin e iniciativës për binjakëzimin e dy Komunave si dhe realizimin e projektit për kanalizimin e ujërave të zeza në fshatin Banjicë.

Sa i përket iniciativës për binjakëzim, kryetari Bejta theksoi që ideja u mbështet fuqishëm nga qytetarët e Gostivarit, nga fakti që shumë banorë nga rajoni i Gostivarit janë shpërngulur më herët në Komunën Ejup dhe janë krijuar lidhje familjare mes dy lokaliteteve.

Brenda kohës, Këshillat Komunale të dy Komunave do të zyrtarizojnë procesin e binjakëzimit dhe e njëjta do të konkretizohet me një ceremoni solemne.

Lexo më shumë...
 
Bejta uron besimtarët myslimanë për muajin e Ramazanit

Gostivar, me 26 Maj – 2017Bejta uron besimtarët myslimanë për muajin e Ramazanit

Kryetari i Komunës së Gostivarit, z. Nevzat Bejta përmes një mesazhi ka uruar besimtarët e fesë Islame me rastin e fillimit të muajit të Ramazanit.

“Në muajin e shenjtë të Ramazanit, simbol i sakrificës, devotshmërisë, bamirësisë dhe adhurimit, të gjithë të jemi të bashkuar për të ndihmuar nevojtarët, jetimët dhe njerëzit e vetmuar, që edhe ata të ndihen të barabartë me gjithë të tjerët.

Është ky muaji që na sjell begati dhe gëzime në sofrat tona dhe na jep mundësinë që të pastrohemi nga mëkatet dhe të shpërblehemi për agjërimin dhe gjërat e mira që bëjmë. Në emrin tim personal, bashkëpunëtorëve dhe administratës komunale, të gjithë qytetarëve ua uroj nga zemra Muajin e Madhërishëm të Ramazanit duke ju uruar agjërim të lehtë, me dëshirat më të mira që të mbretërojë paqja dhe harmonia midis nesh. Me fat ju qoftë Muaji i Bekuar i Ramazanit!” thuhet në urimin e Kryetarit të Komunës së Gostivarit, z. Nevzat Bejta.

Lexo më shumë...
 
Bejta përuron riasfaltimin e rrugës së Dutllëkut

Gostivar, me 26 maj – 2017Bejta përuron riasfaltimin e rrugës së Dutllëkut 6

Kryetari i Komunës së Gostivarit, z. Nevzat Bejta mori pjesë në inaugurimin e riasfaltimit të rrugës kryesore të Lagjes “Dutllëk”, si dhe rrugëve anësore që çojnë tek institucionet arsimore, i shoqëruar nga drejtorët e shkollave të mesme të qytetit.

Gjatë fjalës së tij z. Bejta u shpreh se këto përmirësime janë pjesë e vizionit të përbashkët për një Gostivar të së ardhmes.

"Atë që e kemi thënë në vitin 2013 në aktivitetet parazgjedhore se do të bëjmë përmirësime edhe në shkarkimin e komunikacionit, tash është bërë realitet. Me asfaltimin e rrugës kryesore të Lagjes “Dutllëk”, e cila lidhet me Rrugën dhe Urën e re që ka dalje në magjistralet Gostivar – Tetovë Shkup dhe Gostivar – Mavrovë – Kërçovë, tashmë mund të themi që kemi arritur të ndikojmë në shkarkimin e komunikacionit urban dhe qytetarët e Gostivarit nuk do të kenë më nevojë që për punët e tyre të përditshme të frekuentojnë rrugët në pjesën qendrore. Rrugët alternative do të lehtësojnë qarkullimin në komunikacion," u shpreh Kryetari Bejta.

Lexo më shumë...
 
Euroambasadori, z. Samuel Zhbogar qëndroi për vizitë në Gostivar

Gostivar, me 22 Maj – 2017

Euroambasadori i Unionit Evropian, z. Samuel Zhbogar sot vizitoi fshatin Sërmnovë të Komunës së Gostivarit në suaza të projektit “UE për Ju”.Euroambasadori z. Samuel Zhbogar qëndroi për vizitë në Gostivar 32

Nikoqiri i aktivitetit, kryetari i Komunës së Gostivarit, z. Nevzat Bejta përshëndeti iniciativën e cila promovon vlerat universale të Unionit Evropian – UE, ndërsa tregoi që ideja e mbajtjes së aktivitetit në shkollën fillore “Gjon Buzuku”, në fshatin Sërmnovë ishte njoftimi i ambasadorit me favoret natyrore që bart malësia dhe zonat rurale të Gostivarit.

Euroambasadori i Unionit Evropian, Samuel Zhbogar vuri në dukje që qëllimi i projektit është nxitja e vetëdijes dhe informimi i opinionit me mbështetjen e Unionit Evropian për të lëvizuar drejt euro-integrimeve.

Lexo më shumë...
 
Bejta në Çegran: Zgjidhim përfundimisht çështjen e shtratit të lumit Vardar

Gostivar, me 24 maj – 2017Bejta në Çegran Zgjidhim përfundimisht çështjen e shtratit të lumit Vardar 4

Në një takim me banorë të fshatit Çegran, Kryetari i Komunës së Gostivarit z. Nevzat Bejta njoftoi se këto ditë do të bëhet pastrimi i rreth 5 kilometrave kanal vaditës në këtë fshat, në kuadër të lehtësimit të vështirësive si pasojë e hedhjes së mbeturinave përgjatë rrjetit.

Kryetari Bejta tha se Komuna ka vendosur të shohë zgjidhjen përfundimtare të problemit me një pjesë të shtratit të lumit Vadrar që paraqitet si pikë kritike për vërshime eventuale në tokat pjellore.

Lexo më shumë...
 
Nevzat Bejta ndau Kupën për ekipet e Gostivarit që u shpallurën Kampion

Gostivar, me 18 Maj – 2017Nevzat Bejta ndau Kupën për ekipet e Gostivarit që u shpallurën Kampion 2

Nën patronazhin e kryetarit të Komunës së Gostivarit, z. Nevzat Bejta të enjten në Stadiumin e qytetit në Gostivar, u mbajt ceremonia e ndarjes së Kupës për ekipet gostivarase që arritën të shpallen kampion në ligat që garojnë.

“Gostivari është një nga pesë qytetet më të mëdha në Maqedoni dhe ka traditë të futbollit. Jam i gëzuar që dy ekipe të Gostivarit ngritën një ligë më lartë. Klubi i Futbollit – KF “Gostivari”, në sezonin e ardhshëm do të inkuadrohet në Ligën e dytë, ndërsa Klubi i Futbollit – KF “Genç Kalemler”, do të garon në Ligën e tretë – perëndimore. Kemi futbullistë të mrekullueshëm, kryesi, trejnerë të mrekullueshëm dhe mbi gjitha një publik të mrekullueshëm”, deklaroi kryetari Nevzat Bejta i cili shprehu besimin që vitin që vjen, klubet e Gostivarit do të avancohen edhe më tej.

Lexo më shumë...
 
<< Fillim < Mëparshme 1 2 3 4 5 6 7 8 9 10 Vijuesi > Fundi >>

JPAGE_CURRENT_OF_TOTAL

e-Leje Ndërtimi

elejesq

eRegullativa

eRegullativa

e-Tatime

e-tatime-online

Maps

maps-small

Aktuale

h-n-b-7

multiculturalism

furnizime-publike

 npkomunaleclink-t

Për qytetarët me pengesa

Bejtyl Lushi, Visar Rustemi, Bekim Neziri
042 218 167
Persona për komunikim me qytetarët te cilët kanë ndonjë shkallë pengese me qëllim të ofrimit të ndihmës

Elaborat ekologjik

Studimi për vlerësimin e ndikimit ndaj mjedisin jetësor të projektit për sistemin e gazsjellësit Nacional në Maqedoni, krahu Shkup-Gostivar-Kërçovë
 

Statistika

Members : 3
Përmbajtje : 1085
Content View Hits : 2344797