Skip to content
.:
Komuna e Gostivarit
Njoftim

Gostivar, 30 gusht 2014

Njoftohen qytetarët e Komunës së Gostivarit se të hënën me datë 1 Shtator nga ora 08:00 e deri në 16:00, i gjithë qyteti dhe fshatrat të cilat furnizohen me ujë nga ujësjellësi i qytetit do të mbetën pa ujë për shkak të sanimit të defektit në linjë kryesore në afërsi të centralit në fshatin Raven.

Nga Komuna e Gostivarit dhe Ndërmarrja Publike “Komunalec”, kërkojnë ndjesë dhe mirëkuptim nga ana e qytetarëve.

Shërbimi për Informim

 
Kryetari Bejta pjesëmarrës në forumin investues kinez, të ftuar mbi 1200 personalitete

28 08 2014 bejta pragePragë - Republika e Çekisë, me 28 Gusht 2014

Nevzat Bejta, kryetari i komunës së Gostivarit është një nga pjesëmarrësit e forumit investues kinez që po mbahet në Pragë të Çekisë nën organizim të Odës së përzierë tregtare çeko-kineze.

Në Forumin dyditor marrin pjesë mbi 1.200 të ftuar midis të cilëve edhe delegacioni i Republikës së Maqedonisë. Nga delegacioni, sipas përfaqësuesve të Ministrisë së Ekonomisë dhe Sektorit të Investimeve të Huaj ka edhe përfaqësues të vetëadministrimit lokal, midis të cilëve edhe Koce Trajanovski, kryetar i Qytetit të Shkupit dhe Kryetar i Këshillit drejtues BNJVL-së. Maqedonia është midis shteteve që e përdorën benifitin e fundit investues prej 10 miliardë dollarësh për Evropën Qendrore dhe Lindore.

Lexo më shumë...
 
Konkurs

Komuna e Gostivarit

Thirrje për shfaqje të interesit për angazhim të trajnerëve dhe personit medicinal për nevojat e paraleleve të disperzuara në Akademinë sportive

Komuna e Gostivarit shpall thirrje për shfaqje të interesit për angazhim të :

- Dy trajnerëve të futbollit (një trajner për punë me futbollistë dhe një trajner për punë me portierë) të nxënësve në paralelen e futbollit
- Një person medicinal – fizioterapeut për përkujdesje medicinare në paralelen e futbollit.

Konkursi shpallet në përputhje me Rregulloren e punës së Qendrës për edukim pranë Federatës së Futbollit të Maqedonisë (FFM), Konventën për njohje të ndërsjellë të kualifikimeve të trajnerëve të UEFA-së dhe rregullave të Federatës së Hendbollit të Maqedonisë (FHM).


Kushtet të cilat duhet t’i përmbushin kandidatët, janë:

1. Për pozicionin trajner të futbollistëve ose portierëve:

- të posedojë të paktën diplomë trajneri UEFA - A;
- vërtetim për të paktën 2 (dy) vjet punë ekipore në kategorinë përkatëse në 5 (pesë) vitet e fundit ose vërtetim për të paktën 5 (pesë) vjet stazh si trajner me diplomë përkatëse të lëshuar nga FFM;
- vërtetim se nuk është gjykuar;
- vërtetim se nuk i është shqiptuar masë disiplinore nga ana e organit disiplinor të FFM-së në 5 (pesë) vitet e fundit;
- të ketë program për punë për periudhën për të cilën zgjidhet me propozim rezultatet të pritura;
- të posedojë aftësi komunikative, organizative dhe menaxheriale, si dhe aftësi për bartjen e diturive dhe shkathtësive;
- vërtetim për rezultatet e arritura në karrierën e tyre prej trajneri;
- vërtetim mjekësor të lëshuar nga institucioni i specializuar mjekësor (enti për medicinë sportive dhe të ngjashme)


2. Për pozicionin fizioterapeut:

- të posedojë të paktën diplomë për shkollë të kryer të mesme medicinal – drejtimi fizioterapeut (ose fakultet të mjekësisë);
- vërtetim se nuk është gjykuar;
- vërtetim mjekësor të lëshuar nga institucioni i specializuar shëndetësor


Përzgjedhjen e kandidatëve do ta bëjë komisioni i përbërë prej përfaqësuesve të federatës përkatëse të sportit dhe komunës.

Të gjithë kandiatët e interesuar shfaqjen e vet të interesit, me të gjitha dokumentet e duhura në origjinal, duhet t’i dorëzojnë deri te Vetëqeverisja Lokale Komuna e Gostivarit (me shënimin – Për trajner/fizioterapeut për Akademi Sportive) përmes postës në adresë, ose personalisht në arkivin e Vetëqeverisjes lokale të Komunës së Gostivarit në afat prej 3 (tre) ditësh nga dita e shpalljes:


Komuna e Gostivarit
Rr. Vllezërit Gjinoski Nr.61

 

Kryetari i Komunës së Gostivarit

Nevzat Bejta

 
NJOFTIM

Gostivar, 25 gusht 2014

Me datë 26.08.2014 (e martë), në territorin e komunës së Gostivarit, do të realizohet faza e dytë e dezinsektimit për zhdukjen e mushkonjave.

Dezinsektimi do të kryhet në mbrëmje prej ora 21:00 deri në ora 02:00, vetëm në kushte të mira atmosferike.

Për dezinsektim do të përdorët Aqua-Kothrine i tretur, në bazë të kërkesave të Organizatës Shëndetësore Botërore (prej 50 deri 100 ml/hektar).

Aksioni do të zhvillohet në këto lokacione:
- Lumi Vardar - në pjesën e fshatit Raven,
- Kanali për ujitje në lagjen Maleardi,
- Lagja Fazenaria – përgjatë kanalit për ujitje,
- Lumi Jahorka – në fshatin Forinë

Gjithashtu, njoftohen kultivuesit e bletëve nga lokacionet e lartpërmendura, që gjatë ditëve të spërkatjes, bletët t’i mbajnë të mbyllura për shkak se spërkatja ka ndikim negativ mbi to.

Shërbimi për Informim

 
Kryetari Nevzat Bejta takoi ministrin Furkan Çako. U shqyrtuan mundësitë për realizimin e disa projekteve të rëndësishme

18 08 2014 vizita e ministrit cako 00Gostivar, me 18 Gusht 2014

Kryetari i Komunës së Gostivarit, Nevzat Bejta realizoi takim me ministrin pa resor në Qeverinë e RM-së, Furkan Çako. Pas takimit në kabinetin e tij, kryetari Nevzat Bejta njoftoi se temat e diskutuara me ministrin Çako kishin të bëjnë me realizimin e disa projekteve të rëndësishme për të cilat nevojitet angazhimi i institucioneve shtetërore dhe donatorëve nga jashtë.


“Biseduam me ministrin për hallet dhe problemet me të cilat ballafaqohen qytetarët e Gostivarit, që ministri të ketë mundësi të njoftojë kabinetin qeveritar gjegjësisht kryeministrin, me problemet të cilat i kanë qytetarët e Gostivarit në të gjitha sferat. Për veç asaj, ministri ynë, kështu do të shprehem sepse e kemi nga Gostivari, do të bëjë edhe një vizitë zyrtare në Republikën e Turqisë, dhe atje drejtuesit e institucioneve do t’i njoftojë nga afër me hallet dhe problemet që kërkojnë zgjidhje dhe që preokupojnë qytetarët e Gostivarit”, tha kryetari Nevzat Bejta.

Lexo më shumë...
 
Kryetari Nevzat Bejta u takua me banorët e Debreshit, u premtoi zgjidhje të problemeve që i preokupojnë ata

20 08 2014 vizita ne fshatin debresh 00Gostivar, me 20 Gusht 2014

Kryetari i Komunës së Gostivarit, Nevzat Bejta i shoqëruar edhe nga ministri i Drejtësisë, Adnan Jashari dhe drejtori i Ndërmarrjes Publike Komunale, Memedali Xhaferi, vizituan fshatin Debresh, me ç’rast në takim me banorët e këtij fshati u njohën nga afër me nevojat dhe kërkesat e tyre.

Banorët e fshatit Debresh kërkuan që udhëheqësia e Komunës së Gostivarit të investojë në përfundimin e punimeve për ndërtim të fushës së sportit në suaza të shkollës fillore, si dhe të intervenojë në rrjetin e ujësjellësit me qëllim të rritjes së shtypjes së ujit.

Lexo më shumë...
 
Nisin punët për asfaltimin e rrugës që do e lidh Çegranin me magjistralen Gostivar – Tetovë, investimi afër 300 mijë euro

04 08 2014 rruga cegran tumcevisht 4Gostivar, me 4 Gusht 2014

Filluan punët për asfaltimin e rrugës që lidh Çegranin – Tumçevishtin. Kjo rrugë do të zgjerohet, rrafshohet, tamponohet dhe më pas do të asfaltohet.

Në nisjen e punëve në terren mori pjesë edhe kryetari i Komunës së Gostivarit, Nevzat Bejta, kryesuesi i Këshillit Nasir Musliu, Muftiu i BFI-së së Gostivarit, Shaqir Fetai si dhe banorë të fshatit Çegran.

Ky ishte një premtim parazgjedhor, por edhe një kërkesë dhe pritje e kamotshme e banorëve të fshatit Çegran, tha kryetari i Komunë së Gostivarit, Nevzat Bejta.

Lexo më shumë...
 
<< Fillim < Mëparshme 1 2 3 4 5 6 7 8 9 10 Vijuesi > Fundi >>

JPAGE_CURRENT_OF_TOTAL

e-Tatime

e-tatime-online

Aktuale

multiculturalism

furnizime-publike

 npkomunaleclink-t

ipard logo

Vlerësime strategjike

PDU për pjesë të bllokut 28

Për qytetarët me pengesa

Bejtyl Lushi, Visar Rustemi, Bekim Neziri
042 218 167
Persona për komunikim me qytetarët te cilët kanë ndonjë shkallë pengese me qëllim të ofrimit të ndihmës

Statistika

Members : 26
Përmbajtje : 410
Content View Hits : 316504