|
10.08.2010
Muaji i shenjtë i Ramazanit paraqet mundësinë për të gjithë ne që të dëshmojmë përkushtimin tonë për pastërti shpirtërore.
Le të jetë obligimi i agjërimit si përkujtues për të gjithë ne se kemi obligime dhe përgjegjësi ndaj Zotit por edhe vetes, familjes, miqve dhe njerëzisë në përgjithësi.
Ky muaj le të na shërbejë si inspirim për bashkim, mirëkuptim dhe dashuri mes njëri-tjetrit duke u ngritur mbi bindjet tona personale për një ide më madhore.
Në emrin tim personal ju uroj fillimin e muajit të Shenjtë të Ramazanit juve, familjeve dhe miqve tuaj.
Kryetari i Komunës
Prof.dr. Rufi Osmani
|
|
 09.08.10
Në manifestimin “Dita e piteve” i cili sivjet mbahet për herë të parë, por me synim që i njëjti të bëhet tradicional, u promovuan pite të llojllojshme, petulla, fli në saç, byrek dhe ushqime tjera nga sofra tradicionale gostivarase.
Mbi njëzet amvise nga Gostivari e rrethina, patën mundësinë që t’i dëshmojnë shkathtësitë e tyre në përgatitjen e piteve në këtë manifestim i cili pati edhe karakter garues. Komisioni i përbërë nga Shemije Elezi, Ramije Muça dhe Herolinda Aliu shpalli fituese Nadije Hebibin e cila kishte përgatitur petulica në mënyrë tradicionale.
“Dita e piteve” u organizua nga Zyra për implementimin e projekteve në bashkëpunim me Lidhjen e gruas shqiptare, ndërsa financiarisht u mbështet nga Komuna e Gostivarit.
|
|
09.08.10
Në mjediset e Bibliotekës Universitare në Prishtinë, në kuadrin e ditëve të Mërgatës u bë promovimi i librit ”Çeta e Gostivarit” i cili i kushtohet jetës dhe veprimtarisë së Xhelë Xhelilit nga fshati Kalisht).
Libri në mbi 260 faqe është përplot materiale shumica e të cilëve botohen për herë të parë dhe ku janë portretizuar disa dhjetëra trima dhe luftëtar të pashoq.
“Libri ‘Çeta e Gostivarit’ qysh në pamje të saj të lënë përshtypje se mund të lexohet « me një frymë », sa për shkak të personazhit kryesor në libër po aq për shkak të veprimtarive atdhetare të bashkëluftëtarëve të plakut të maleve Xhelë Xhelili – Kalishta”, u tha në promovim.
|
|
 04.08.10
Arrihet
marrëveshje për bashkëfinancim
për ndërtim të ujësjellësit në fshatin Debresh
Kryetari
i komunës së Gostivarit prof.dr.Rufi Osmani, në kabinetin e tij pranoi
një delegacion të KF “Debreshi” nga Zvicra, në përbërje Hajredin Osmani -
nënkryetar
i klubit , Hasim Sulejmani - arkëtar dhe Sefer Osmani - përfaqësues
sportiv i klubit.
Në një
atmosferë të këndshme miqësore dhe respekti të ndërsjellë, u arrit
marrëveshja
për zgjidhjen e përbashkët të problemit të ujit të pijshëm. Sipas kësaj
marrëveshjejej,
nga shuma e përgjithshme prej 150 mijë euro sa është kostoja e këtij
projekti,
klubi në emër të qytetarëve të fshatit Debresh do të financojë 50 mijë
euro, ndërsa
pjesën tjetër prej 100 mijë euro, do ta mbulojë komuna e Gostivarit.
Furnizimi
me ujë të pijshëm në fshatin Debresh, paraqet problem të kamotshëm.
Pjesët e larta të fshatit ballafaqohen me mungesë të ujit të pijshëm
gjatë
gjithë viti, ndërsa gjatë stinës së verës ky problem vjen në shprehje në
gjithë
fshatin
|
|
 Nr.13-1358/2
05.08.2010
Gostivar
Në bazë të nenit 54,55,56,57 të Ligjit për banim (“Gaz.Zyrtare e RM-së nr.99/09 dhe nr.57/2010), Sektori për urbanizëm, punë komunale, komunikacion dhe mbrojtje të mjedisit jetësor, shpall:
Thirrje publike
Lajmërohen të gjithë pronarët e pjesëve të veçanta të objekteve banesore-afariste, në Komunën e Gostivarit, se në bazë të Ligjit për banim (Gazeta zyrtare e RM-së nr.99/09 dhe 57/2010) jаnë të obliguar të formojnë dhe të themelojnë bashkësi të pronarëve në ndërtesën e tyre.
Së pari duhet të formohet bashkësia banesore me akte të veçanta nga ana e vet pronarëve të pjesëve të veçanta. (Aktet si version pune mund të sigurohen në Komunën e Gostivarit).
Pas formimit të bashkësisë banesore, për ta fituar cilësinë e personit juridik, e njëjta bashkësi banesore duhet të regjistrohet në Regjistrin qendror të Republikës së Maqedonisë duke i plotësuar kushtet ligjore për regjistrim në Regjistrin qendror të Republikës së Maqedonisë.
|
|
|
|
<< Fillim < E mërparshme 1 2 3 4 5 6 7 8 9 10 Tjetra > Fund >>
|
| Rezultatet 28 - 36 nga 422 |
