20.08.10
Со средства од општинскиот буџет и со партиципација на жителите од една населба во село Форино, се асфалтира улица во должина од 230 метри.
По тампонирање на улицата, денес почнав се асфалтирање на истата и во текот на денот ќе треба да завршат работите. Улицата е долга 230 метри а широка 4 метри, со дебелина не помала од 7 цм“, истакна Фатмир Далипи – инженер во Општина Гостивар.
Целиот овој ќе чини 730 илјади денари, при што половина  од износот ги обезбедува Општина Гостивар а другата половина месното население. Како што се изјаснија селаните, кои претходно со самофинансирање поставија фекална канализација, кофинансирањето  како форма за реализација на проекти во областа на инфраструктурата е нешто што оди во полза и на Општината и на граѓаните.

20.10.10
Со средства обезбедени од Општина Гостивар, сите столбови за јавно осветлување во двата градски булевара се бојадисуваат со мрсна фарба.
Претходно, во разни градски делови беа фарбани мостовите на реката Вардар, железните огради пред општинската зграда и извичниците во главните градски раскрсници.
По завршување на првата фаза, што подразбира фарбање на столбовите во булеварите “Браќа Ѓиноски“ и “Гоце Делчев“ во должина од околу 2,5 километри, ќе продолжи фарбањето и на металните столбови во други градски делови.

18.08.10
Заради изведување на работи во улицата Балиндолска, почнувајќи од 23,08,2010 до 23,09,2010
жителите што возаат низ ова улица треба да ги користат улиците „Илија Антески Смок„ и „Боге Велјаноски„.

Пренасочување на сообраќајот ќе се одвива според проектот за привремено менување на сообраќајот во тој дел од патот, за што има согласност и од МВР - оддел за сообраќај.

Со цел безбедно одвивање на сообраќајот, по потреба ќе асистира и одделот за сообраќај при полициската станица во Гостивар.

17.08.10
Општина Гостивар активно учествува во спроведувањето на законодавството и заштита на  јавниот  интерес за создавање на   одржлива и здрава животна средина за сите. Во областа на управувањето со животната средина, одговорноста на јавната администрација станува особено очигледна.

Градоначалникот  Проф.д-р Руфи Османи се залага за ефективни и ефикасни администрации на локално и на централно ниво кои се основен предуслов за постигнување демократска консолидација и континуиран социоекономски развој во хармонија со околината.Од наведените причини, Општина Гостивар преку својот кандидат Тони Серафимоски, овластен испектор за животна средина,  даде целосна подршка во изработката и апликацијата на проект до отворениот интернационален јавен конкурс ,со право на yчество на сите локални администрации , централната власт и на сите други институции кои се надлежни во заштитата на животната средина во РМ.

Со самата потврда  за прифаќање  и усвојување од страна на Шведската влада на проектот за промени”Имплементација на законите во пракса”во јака конкуренција  докажа дека општина Гостивар  поседува квалитетен потенцијал во РМ.