|
Mbahet takimi i parë për zhvillim rural |
12.03.10
 Në vazhdën e aktiviteteve të ndërmarra nga Komuna e Gostivarit në sferën e zhvillimit rural dhe në bazë të memorandumit për bashkëpunim të nënshkruar me Programin për mbështetjen e shërbimeve këshillëdhënëse në bujqësi (MAASP) i financuar nga SIDA (Agjencioni Suedez për Zhvillim Ndërkombëtar ) këto ditë u mbajt takimi i parë i Grupit Lokal për Zhvillim Rural të Komunës së Gostivarit (GLZHR).
Në këtë takim të pranishëm ishin shtëpia konsultuese IDEA OK, Grupi Lokal për zhvillim Rural të Komunës së Gostivarit i përbërë nga përfaqësues të sektorit privat, civil dhe publik me çka Grupi Lokal për Zhvillim Rural të Komunës së Gostivarit u njoftua me planin e aktiviteteve që ky grup duhet të ndërmarrë gjatë periudhës vijuese.
Komuna e Gostivarit, në buxhetin për
vitin 2010 ka ndarë mjete prej buxhetit, me të cilat subjektet që janë
aktive në viset rurale do të kenë mundësi të aplikojnë me projekte të
karakterit rural. GLZHR do të trajnohet dhe do ketë përgjegjësinë për
menaxhimin me këto mjete nga buxheti komunal për zhvillimin rural.
Deri në Maj 2010, GLZHR, bazuar në Nën-Strategjinë e Zhvillimit Rural të
Komunës së Gostivarit, do të përgatisë dhe do të shpalle Thirrje
Publike për Aplikim, me të gjitha format paraprake (ToR, Formati i
aplikimit, Vlerësimi i projekteve), me çka subjektet aktive në viset
rurale do kenë mundësi të aplikojnë me projekte për mjetet e parapara në
buxhet.
Zyra për zhvillim
ekonomik lokal dhe implementim të projekteve
|
