 01.09.10
Me ftesë të Evangleine L. Cuenco, specialiste nga Banka botërore, kryetari i Komunës së Gostivarit prof.dr. Rufi Osmani do të merr pjesë në panelin special “Qytetet e Dijes dhe Rinia” që do të mbahet në Kuvajt prej 3-5 tetor.
Këtë Konferencë të nivelit të lartë, do ta hapë vetë kryeministri i Kuvajtit dhe në të njëjtën do të merr pjesë edhe ekselenca e tij Emiri Sheik Sabah Al-Ahmad Al Jabar Al-Sabah.
Në Konferencën ndërkombëtare “Qytetet e Dijes dhe Rinia”, udhëheqës eminent, politikbërës, vizionarë dhe kryetarë komunash, do të bëjnë prezantime dhe do të diskutojnë mbi çështje ekonomike, urbano-rurale, si dhe mbi sfidat e punësimit të të rinjve.
Sukseset në menaxhimin me komunën, zgjidhjet kompetente të sfidave me të cilat ballafaqohet e njejta si dhe njohuria teoriko-praktike e çështjeve temë të panelit ishte arsyeja që kryetari Osmani u ftua në këtë konferencë ndërkombëtare.
"Kontributi juaj si ekspert paneli në sesionin special ofron një mundësi të vlefshme për pjesëmarrësit të mësojnë për praktikat më të mira në menaxhimin me qytetin me çka do t'u mundësohet qyteteve të krijojnë vende me standard të lartë jetese, të qëndrueshme dhe të pasura në aspekt kulturor për qytetarët e tyre." - thuhet në mes tjerash në ftesën nga Banka Botërore.
|
|
 01.09.10
Nëntë shkolla fillore dhe tre shkolla të mesme komunale, sot i hapën dyert për të pranuar rreth 14300 nxënës, prej të cilëve 8700 do të vijojnë arsimin fillor, ndërsa 5600 atë të mesëm.
Nga Shërbimi i arsimit pranë Komunës së Gostivarit, bëjnë me dije se paraprakisht në takimet me drejtorët janë harmonizuar qëndrimet në drejtim të evitimit të të gjitha pengesave eventuale që mund të paraqiten me fillimin e vit të ri shkollor 2010/2011. Aktualisht pengesa të këtilla nuk ka dhe lirisht mund të thuhet se procesi edukativo-arsimor ka filluar në rregull.
Komuna e Gostivarit, të gjithë nxënësve dhe mësimdhënësve u dëshiron një vit të mbarë shkollor, posaçërisht 800 filloristëve të cilët sivjet për të parën herë ulen në bankat shkollore.
|
|
01.09.10
Me vendim të Këshillit, Komuna e Gostivarit do ta mbështesë financiarisht Klubin futbollistik “Rinia” me një shumë prej 700 mijë denarë (diç më pak se 12 mijë euro). Mjetet që Komuna do t’i akordojë këtij klubi, do të shfrytëzohen për rregullimin e stadiumit të qytetit, në të cilin futbollistët e KF “Rinia” i zhvillojnë ndeshjet dhe trajnimet.
Udhëheqësia dhe lojtarët e KF “Rinia”, këtë vendim të Këshillit komunal e mirëpresin dhe shpresojnë se mbështetja financiare do të ndikojë pozitivisht në arritjen e rezultateve më të mira në ligën ku sivjet ata debutojnë. “Prej këtij stinori, pas shumë vitesh, ‘Rinia’ garon në ligën e dytë të futbollit ku sipas normave kërkohen kushte më të mira teknike. Kjo ndihmë financiare është mëse e mirëseardhur, por presim mbështetje edhe nga institucionet tjera, si dhe nga sektori privat”, thotë Vesel Memedi – kryetar i klubit.
|
|
 31.08.10
Një segment i rrugës që çon drejt fshatit Simnicë dhe një rrugicë e fshatit Banjicë e Poshtme, shtrohen me asfalt të ri. Pjesët e dëmtuara të asfaltit në rrugën kryesore sanohen, ndërsa rrugica prej Xhamisë së fshatit deri te çezma, shtrohet komplet me asfalt.
“Ky segment rrugor përveç nga banorët lokalë, shfrytëzohet edhe për qarkullim të kamionëve që shkojnë te zona industrial dhe te deponia rajonale, andaj edhe ishte dëmtuar shumë dhe sanimi i saj ishte i domosdoshëm. Gjithsej do të asfaltohet një sipërfaqe prej mbi 1 mijë metra katrorë, për çka do të harxhohen rreth 160 kub asfalt, ndërsa do të harxhohen rreth 1 milion denarë mjete nga buxheti komunal”, thotë Senad Emini – inxhinier në Komunë e Gostivarit.
|
|
01.09.10
Të dhëna për paraqitjen e zjarreve në rajonin e Komunës së Gostivarit, të përpiluara nga Njësiti Territorial Komunal i Zjarrfikësve - Gostivar për muajin Gusht 2010.
Gjatë muajit Gusht në komunën e Gostivarit nga të dhënat e NJTKZ-së rezulton se ka pasur gjithsejt 4 raste të zjarreve në objekte, 47 zjarre janë paraqitur në terren të hapur.
Numri i forcave të angazhuara për muajit Gusht ka qenë 170, forca këto të Njësitit zjarrfikës të cilat kanë bërë 26 intervenime teknike dhe 6 intervenime në komunikacion.
Gjatë muajit Gusht NJTKZ - Gostivar ka pasur 89 angazhime të mjeteve materiale, gjegjësisht të aumtojeteve të Njësitit Zjarrfikës
|
|
|
|
<< Fillim < E mërparshme 1 2 3 4 5 6 7 8 9 10 Tjetra > Fund >>
|
| Rezultatet 1 - 9 nga 416 |
